BU SAYT "MİLLİ FİKİR" GƏNCLƏR HƏRƏKATININ SAYTIDIR!
Saytımızda rahat iş qurmaq üçün Sizə qeydiyyatdan keçməyə təklif edirik. Siz saytda şəxsi səhifənizi, poçt qutunuzu (yalnız sayt daxilində olan poçt – istifadəçilər arası) əldə edirsiniz. Bundan başqa qeydiyyat Sizə saytın Forumunda iştirak etməyə (mövcud olan mövzulara cavab vermək, öz mövzularınızı yaratmaq) imkan verəcək.
“Milli Fikir” Gənclər Hərəkatının Bəyannaməsi
“Milli Fikir” Gənclər Hərəkatı müasir Azərbaycan cəmiyyətinin formalaşma prosesində milli mənəvi dəyərlərin möhkəmlənməsi, müdafiəsi və milli dövlətçilik prinsiplərinə əsaslanaraq fəaliyyət göstərən sivil, maarifçi və milliyyətçi təşkilatdır. “Milli Fikir” Gənclər Hərəkatı əsas məqsəd kimi Azərbaycan dövləti ərazisində yaşayan və irqindən, dinindən və dilindən asılı olmayaraq özünü azərbaycanlı sayan vətəndaşları bir bayraq altında birləşərək vahid Vətən, Azərbaycan naminə mübarizəni təşkil etməyi qəbul etmişdir. “Milli Fikir” Gənclər Hərəkatı radikal milliyyətçiliyi rədd edir, öz fəaliyyəti bütün millətlərə hörmət prinsipləri üzərində qurur, amma Azərbaycan dövlətçiliyinə qarşı çıxan, bu dövlətin ərazi bütövlüyünə qarşı çıxan istənilən milləti bu hörmətə layiq bilmir. Yəni biz hörmət etdiyimiz millətlərdən qarşılıqlı olaraq hörmət gözləyirik. “Milli Fikir” Gənclər Hərəkatı demokratik inteqrasiyanın, müasirləşmənin və sivil cəmiyyət qurulmasının əleyhinə deyil, amma bütün bu işlərdə milli mənəvi dəyərlərin qorunmasının tərəfdarı və tələbkarıdır. “Milli Fikir” Gənclər Hərəkatı heç bir siyasi partiyanın siyasəti dəstəkləmək üçün yaradılmayıb, siyasi proseslərə qoşulmaq fikrində deyil. “Milli Fikir” Gənclər Hərəkatı mənim, sənin və ya onun təşkilatı olaraq yaradılmayıb, o ziyalı gənclərin təşəbbüsü ilə yaradılıb və gənclərin dəstəyinə arxalanır.
