Milli Fikir Gencler Herekatı

AZƏRBAYCANIN RUMINİYADAKI SƏFİRLİYİNDƏ SOYQIRIMI QURBANLARININ XATİRƏSİ EHTİRAMLA ANILMIŞDIR

Milli-fikir — Thu, 03 Apr 2008 10:29:21 GMT

AzərTAc xəbər verir ki, martın 31-də 1918-ci ildə Bakıda və ölkəmizin digər bölgələrində ermənilər tərəfindən törədilmiş soyqırımı cinayətlərinin 90-cı ildönümü ilə bağlı Azərbaycanın Rumıniyadakı səfirliyində tədbir keçirilmişdir.

Tədbirdə Azərbaycanın NATO yanında nümayəndəliyinin başçısı Kamil Xasıyev, nümayəndəliyin işçiləri, Azərbaycan Prezidentinin İcra Aparatının əməkdaşları, Rumıniya-Azərbaycan Dostluq Cəmiyyətinin, Azərbaycan-Rumıniya Mədəniyyət və Gənclər Assosiasiyasının, Rumıniya-Azərbaycan Sənaye və Ticarət Palatasının idarə heyətinin üzvləri, Heydər Əliyev Fondunun və Azərbaycan Respublikası Dövlət Neft Şirkətinin bu ölkədəki nümayəndəliklərinin əməkdaşları, eləcə də Rumıniyada yaşayan və təhsil alan azərbaycanlılar, türk-tatar icmalarının və yerli kütləvi informasiya vasitələrinin nümayəndələri iştirak etmişlər.

Səfir Eldar Həsənov azərbaycanlıların soyqırımının tarixindən danışmış, 1905-1907-ci illərdə ermənilər tərəfindən Bakıda, Şuşada, Zəngəzur, Naxçıvan, Ordubad, Qazax və İrəvan bölgələrində törədilmiş vəhşiliklər, 1918-ci ilin mart-aprel aylarında isə ermənilərin Bakı, Şamaxı, Quba, Muğan və Qarabağda minlərlə azərbaycanlını vəhşicəsinə qətlə yetirdiklərini, on minlərlə insanın evlərindən didərgin düşdüyünü iştirakçıların diqqətinə çatdırmışdır.

Səfir, Ermənistan-Azərbaycan, Dağlıq Qarabağ münaqişəsi zamanı baş vermiş hadisələr, Ermənistanın işğalçılıq siyasəti, Xocalı faciəsi, Azərbaycanın digər rayonlarının işğalı və onların ağır nəticələri, bu soyqırımın mahiyyət etibarilə Ermənistanın separatçılıq, terrorçuluq siyasətinin tərkib hissəsi olduğu barədə konkret faktları vurğulamışdır.

Azərbaycan xalqının ümummilli lideri Heydər Əliyevin 1998-ci il martın 26-da azərbaycanlıların soyqırımı gününün martın 31-də qeyd olunmasına dair verdiyi Fərmanın böyük tarixi əhəmiyyət daşıdığını vurğulayan diplomat, soyqırımı günü ilə əlaqədar Prezident İlham Əliyevin Azərbaycan xalqına müraciəti barəsində toplantı iştirakçılarına geniş məlumat vermişdir.

Tədbirdə Azərbaycanın NATO yanında nümayəndəliyinin başçısı K.Xasıyev, səfirliyin müşaviri Tural Rzayev, Heydər Əliyev Fondunun Rumıniya nümayəndəliyinin direktoru İqbal Hacıyev çıxış etmişlər.

Sonra azərbaycanlıların soyqırımının dəhşətlərini əks etdirən fotoguşə iştirakçılara nümayiş etdirilmişdir.

Azərbaycanlıların soyqırımı günü ilə bağlı səfirlik tərəfindən hazırlanmış mətbuat açıqlaması Rumıniya parlamentinə, rəsmi dövlət orqanlarına, qeyri-hökumət təşkilatlarına, Rumıniyada fəaliyyət göstərən səfirlik və beynəlxalq təşkilatların nümayəndəliklərinə göndərilmiş, kütləvi informasiya vasitələrində işıqlandırılmışdır.

KANADANIN NÜFUZLU TORONTO UNİVERSİTETİNDƏ AZƏRBAYCAN İLƏ BAĞLI ELMİ KONFRANS KEÇİRİLMİŞDİR

Milli-fikir — Thu, 03 Apr 2008 10:24:35 GMT

AzərTAc xəbər verir ki, Kanadanın nüfuzlu Toronto Universitetində Azərbaycanla bağlı elmi konfrans keçirilmişdir.

Azərbaycanın Kanadadakı səfirliyinin Toronto Universitetinin Avropa, Rusiya və Avrasiya Tədqiqatları Mərkəzi ilə birgə təşkil etdiyi konfransda Mərkəzin professorları Robert Austin, Edvard Şats və Luçan Uay şərhlərlə çıxış etmişlər.

“Azerbaijan Dairy” kitabının müəllifi Tomas Golts “On yeddi il Odlar Yurdu ilə birlikdə: Müstəqilliyin ilk illərindən bu günədək olan dəyişikliklər”, Azərbaycanın ABŞ-dakı səfiri Yaşar Əliyev “Təhlükəsizlik və enerji təhlükəsizliyi sahəsində Azərbaycan-ABŞ münasibətləri”, müvəqqəti işlər vəkili Fərid Şəfiyev “Azərbaycanın xarici siyasət prioritetləri”, Toronto Universitetinin professoru Taras Kuzio “Regional əməkdaşlıq və Transatlantik strukturlara inteqrasiya” və universitetin tələbəsi Aslan Amani “ Regional və milli hadisələrin siyasi və mülki-mədəni təsirləri” mövzularında məruzə ilə çıxış etmişlər.

Sonra Azərbaycanın regionda lider ölkə kimi rolu, NATO-ya üzvlük perspektivləri, Dağlıq Qarabağ münaqişəsinin həlli yolları, demokratikləşmə, korrupsiyaya qarşı mübarizə mövzularında müzakirələr aparılmışdır.

10:28 / 03.04.2008

Dağlıq Qarabağ müharibəsində itkin düşənlərin sümük qalıqlarının müəyyənləşdirilməsi məqsədilə Azərbaycanla BQXK arasında saziş imzalanacaq

Milli-fikir — Thu, 03 Apr 2008 10:19:35 GMT

Dağlıq Qarabağ müharibəsində itkin düşən vətəndaşların sümük qalıqlarının müəyyənləşdirilməsi məqsədilə Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyası ilə Beynəlxalq Qızıl Xaç Komitəsi (BQXK) arasında saziş imzalanacaq. APA-nın məlumatına görə, bu barədə jurnalistlərə komissiyanın katibi Şahin Sailov məlumat verib. Onun sözlərinə görə, bu işlər “Antimorte” adlanan layihə çərçivəsində həyata keçiriləcək. İki il öncə BQXK Azərbaycan Xarici İşlər Nazirliyinə, Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasına və Prezidentin İcra Aparatına itkinlərin axtarışı ilə bağlı proqram təqdim edib. Layihə Azərbaycan tərəfindən öyrənilib və hissə-hissə araşdırılıb. Ş. Şailov layihənin münaqişədən əziyyət çəkən tərəf kimi Azərbaycan üçün əhəmiyyətli olduğunu deyib: “Layihəyə əsasən, sülh dövründə döyüş aparılan ərazilərdə insan qalıqları aşkar edilərsə, onların eksqumasiyası və identifikasiyası aparılacaq. Tapılan sümük qalıqlarının eksqumasiyası ilə əldə olunan məlumatlar uzlaşdıqda, cəsədin kimliyini müəyyənləşdirmək olacaq”.

11:16 / 03.04.2008

Gürcüstan Azərbaycanlıları Konqresi (GAK) nümayəndələri DAK-ın mərkəzi ofisində görüş keçirdilər

Milli-fikir — Thu, 03 Apr 2008 10:16:13 GMT

Gürcüstan Azərbaycanlıları Konqresi (GAK) nümayəndələri DAK-ın mərkəzi ofisində görüş keçirdilər

Bu gün GAK-ın nümayəndələri Əli Babayev, Elbrus Məmmədov və Sabir Mehdiyev DAK sədri prof. Q.S.Təbrizi, DAK Koordinasiya və İnformasiya mərkəzinin rəhbəri Əlirza Amanbəyli, DAK Gənclər Təşkilatının sədr müavini Elnur Elturk, DAK GT-nin üzvləri iştirak edirdilər.

“Ana Vətənim Gürcüstan” İctimai Birliyinin sədri Əli Babayev qeyd edərək Gürcüstanda yaşayan soydaşlarımızın torpaq, təhsil və s. problemlərini olduğunu bildirdi. Qarşıdan gələn Gürcüstandakı parlament seçkilərində gürcü dilini təmiz bilən Azərbaycan türklərinin orada təmsil olunmasını dilə gətirdi.

GAK-ın icraçı direktoru Elbrus Məmmədov öz çıxışında ermənilərin gürcü və Azərbaycan sənədlərindən istifadə edərək Azərbaycana oradan isə Avropa ölkələrinə mühacirət edirlər. Bu plan Ermənistan höküməti tərəfindən sistemli şəkildə ortaya atılmış siyasətdir.

“Gürcüstan mənim Vətənimdir” Cəmiyyətinin üzvü Sabir Mehdiyev Bakı-Tbilisi-Ceyhan boru xəttindən Azərbaycan hökümətinin Gürcüstan Azərbaycanlılarına maliyyə yardım kompensasiyasının ödənilməməsini bildirdi və GAK-nin daha güclü şəkildə təşkilatlanması üçün Azərbaycan hökümətindən və DAK-dan maddi və mənəvi dəstəyin verilməsini dilədi.

DAK sədri prof. Q.S.Təbrizi Gürcüstanda baş verən proseslərin diqqətlə izlədiyini Gürcüstan Azərbaycanlılarının ölkənin ən potensial təbəqəsinin olduğunu vurğuladı. Gürcüstan Azərbaycanlıları içərisində kifayət qədər savadlı və intellektual səviyyəli insanların olduğunu bildirdi və bu yaxınlarda Gürcüstandakı Azərbaycanlılarla görüş keçirməsinin vacibliyini vurğuladı. GAK-ın fəaliyyətinə uğurlar arzuladı.

Prof. Sabir Nəbioğlu milli məsələlərdə gənclərimizin bir araya gəlib söhbət etməsi müzakirələrə qatılması millətimizin uğurlarından sayılmalıdır. O Güney Azərbaycanda gedən milli azadlıq hərəkatının uğurlarından danışdı.

DAK Koordinasya və İnformasiya mərkəzinin rəhbəri Əlirza Amanbəyli Gürcüstan Azərbaycanlılarının problemlərini 50 milyonluq Azərbaycan türklərinin problemi olduğunu bildirdi. Güney Azərbaycanın, Dərbəndin və Borçalının qədim Azərbaycan torpaqlarının olduğunu bildirdi.

DAK Gənclər Təşkilatının birinci müavini Elnur Elturk Gürcüstan gəncləri ilə Azərbaycan gəncləri arasında əlaqələrin qurulmasını və Azərbaycan Xalq Cümhuriyyətinin 90 illik yubileyilə bağlı Tiflisdə GAK və DAK-ın birgə təşkilatçılığı ilə konfrasın keçirlməsini təklif etdi və təklif görüş iştirakçıları tərəfindən müsbət qarşılandı

17:22 / 01.04.2008

Soydaşlarımızın Qerbi Azerbaycandan deportasiyası ve Sumqayıt hadiseleriden 20 il keçir

Milli-fikir — Sun, 30 Mar 2008 11:05:20 GMT

Fevralın 22-sində “Milli Fikir” Gənclər Hərəkatı, Azərbaycan Demokratik Gənclər Hərəkatı və “Bizim Azərbaycan” Gənclər Təşkilatı«1988-ci ilin fevral ayında baş verən İrəvan və Sumqayıt hadisələrinə 20 ildən sonra baxış » mövzulu tədbiri keçirildi. Тədbiri giriş sözü ilə açan «Milli Fikir» GH-nın sədr müavini Rüfət Əhmədzadə yaxın 20 illik tariximizdəbaş verən hadisələri dolğun araşdırmağı, hadisələri tam reallığı ilə dünya ictimaiyyətinə çatdırılmasının və bunun aradan qaldırılması üçün Azərbaycan gəncliyinin səfərbər olmasının vacibliyindən danışdı. О, təmsil etdiyi qurumun müstəqil ictimai fəaliyyət apardığını, məqsədlərinin isə dövlətçiliyimiz və millətçiliyimizə xidmətdən ibarət olduğunu söyləyərək,erməni daşnaklarının xalqımızın başına gətirdiyi faciələr barədə həm Azərbaycan həm də dünya gəncləri arasında maarifləndirmə aparılması üçün millətçi qüvvələri hər tərəfli səfərbər olmağa çağırdı. R.Əhmədzadə Sumqayıt hadisələri ilə bağılı araşdırma apardıqlarını və bu olayların məhz ermənlər tərəfindən təşkil olunduğu nəticəsinə gəldiyini qeyd etdi. О, Sumqayıt hadisələri zamanı ermənilər tətəfindən xüsusi çəkiliş qrupunun hadisədən öncə şəhərin müxtəlif yerlərində mövqe tutaraq hadisəlrəi videolentə alaraq 2 gün ərzində dünyaya yaymalarını, hadisədən 10 gün öncə bütün ermənilərin kütləvi şəkildə öz emanətlərini banklardan götürmələrini və cinayətlətlərin təşkilatçılarının erməni olmasını fakt olaraq nəzər almağı vacib bildiyini dedi.

ADGH sədri Ağasif Şakiroğlu da özündən oncə danışan “Mili Fikir”çinin sözləri ilə razı olduğunu, hər kəsin bu məslədə vahid amal uğrunda birləşməsinin vacibliyini önə çəkərək, hər hansı bir siyasi baxışı dəstəkləmədən,tək düşmənə-ermənilərə qarşı mübarizə aparmağın tərəfdarı olduğunu bildirdi. O, bildirdi ki, Sumqayıt hadisəkləri məhz Qarabağın işğalına və Qrbi Azərbaycan türklərinin deportasiyasına bəraət qazandırmaq və Azərbaycan xalqını dünya ictimaiyyətinin gözündən salmaq məqsədi güdürdü.DAKıın Gənclət Təşkilatının sədr muavini Elnur Eltürk də digər çıxışçılar kimi həmölkədaxilində həMdə ölkəxaricində aparılmalı olan maarifləndirmə işlərindən danışdı və siyasi əqidəsindən asılı olmayaraq bütün gəncləri milli amal uğrunda birgə mübarizəyəsəslədi.DAK nümayəndəsi təmsil etdiyi qurumun bu sahədə gördüyü və görməyi planlaşdırdığı işlər barədə qısaca məlumat verdi. BAGT sədri də öz növbəsində bu yöndə müəyyən addımlar atmağın vacib olduğunu vurğulayaraq ölkədə fəaliyyət göstərən milli demokratik təşkilatların bu istiqamətdə birgə eməkdaşlıq etməsinin gərək olduğunu dilə gətirdi.Qonaqlardan Qarabağ Azadlıq Təşkilatı Ağzsaqqlar Şurasının (QAT AŞ) sədri Asif Məmmədov da gənclərin çağırışına dəstək olaraq ümummilli məsələlərdə birgə addımlamağın lazım olduğunu bildirdi:”Siyasi əqidəsindən asılı olmayaraq istər müxalifət, istər hakimiyyət nümayəndələri bir araya gəlməli Qarabağərbi Azərbacanda, Qarabağda və Sumqayıtda törədilən erməni vəhşiliyini və saxtakarlığını bütün dünyaya ifşa etməlidir”Toplantıda iştirak edən Türk Millətçi Partiyasının başqanı Vüqar Bəyturan həm rəvan həm də Sumqayıtda törədilən hadisələrin Qarabağı işğal planının tərkib hissəsi olduğunu qeyd etdi. O, bildirdi ki, egər “Dağlıq Qarabağ” adlanan qurumun Azərbaycan tərkibində muxtariyyəti statusu gündəmə gətirilirsə, biz də öz növbəmizdə Qarabağərbi Azərbaycandan deportasiya edilən soydaşlarımızın öz tarixi-etnik torpaqlarına qayıdaraq onlara muxtariyyət verilməsini tələb etməliyik. Press Post qəzetinin baş redaktoru nigar Almanqızı, «Dünya, Ana və Uşaqlar İçtimai Birliyi»nin sədri dünyaxanım Əliyeva, Yeni Çağ qəzetinin baş redaktoru Aqil Ələsgər, jurnalist Tofiq Turan, şair Binnət Əsgər, Bizim Azərbaycan Blokunun məclis sədri Həsən Həsənov və digər çıxışçılar gənclərin bu tədbirini yüksək dəyərləndirərək, onlara tutduqları yolda uğur arzuladı və təkcə ildönümlərdə deyil, yaşadığımız hər gün xalqımızın başına gətirilən faciələrin camiyyətd içində xatırlanmasının gərk olduğunu bildirdilər.